Денес во домот на АРМ, на посебна прес конференција беа презентирани новите прототипови на гардистичката униформа на АРМ.
Како што беше истакнато целта на проектот е промовирање на нова церемонијална униформа која ќе се користи при промена на државното знаме пред Собранието на РМ, Владата на РМ и резиденцијата на Претседателот на Македонија.
Дополнително беа презентирани и свечената и празничната униформа кои ќе се користат при пречек на странски делегации и одбележување на државните и национални празници на Македонија.
Специфика ќе биде новата инсигнија на гардата, која е предложена врз основа на историски истражувања. Имено инсигнијата ќе биде стилизиран Рис. Историски во Македонија постои сочувана фалера од 5-6 век пред нашата ера која им припаѓала на Линкестидите - древно Македонско племе. (Линкес значи Рис)
Тимот предводен од проф. Ношпал, инаку декан на Факултетот за дизајн и мултимедија при ФОН Универзитет, во наредниот период од 15 дена ќе ги стави на увид првите прототипови на јавноста, со цел да се приберат забелешки кои би можеле да се имплементираат во конечните решенија.
Прототоповите можете да ги погледнете на фотографиите.
Сите наши најинтересни новости во секое време можете да ги следите на нашата фан-страница на „Фејсбук“!